曲詞：
既然你來一問，我又唱下南音。
講到伴奏樂器，大概有五人。
椰胡洞簫，低沉最啱韻。
彈撥有秦琴，主奏係古箏。
樂器減減加加，唔要緊。
最重要個唱口，係打板嗰個人。
揀啱韻，開唱南音。
先有起式後有煞尾，中間有正文。
每句尾來，要押韻。
唱緊呢個大韻，叫「能登」。
每句平仄互換，最要緊。
把格式背熟，就出口成文。
呢個韻仲好，佢叫「盧都」。
恭祝在坐各位，做個富豪。
遇啱係新年，唱句好運數。
撞鬼就可以，講句時運高。
唱得悶時，可以轉速度。
板要打穩，莫糊塗。
又轉一轉韻，今次叫「琴心」。
琴心此韻，可以唱得更入神。
若果唱到情深，想把心情收緊。冷得我騰騰震。
轉唱苦喉腔調，真係震到我入心。
婉轉低沉，悲壯甚。
唱到高腔，更動人。
（撰曲：陳志江）
(補充：第四集中提到該段所用之韻名為「能登」，該段實包括「能登」「親民」「琴心」三韻。南音（尤其說唱南音）曲詞通俗，用韻較寬鬆，特此說明。)